Կիևն ավելի քան 60 անգամ խախտել է էներգետիկայի օբյեկտներին հարվածելու մորատորիումը. ՌԴ ԱԳՆ
Կիևը էներգետիկայի օբյեկտներին հարվածելու 30-օրյա մորատորիումի մասին պայմանավորվածություն ձեռք բերելուց հետո այն խախտել է ավելի քան 60 անգամ։ Այս մասին ՌԻԱ Նովոստիին հայտնել է ՌԴ ԱԳՆ ԱՊՀ երկրների երկրորդ դեպարտամենտի տնօրեն Ալեքսեյ Պոլիշչուկը։
«Կիևի ռեժիմն իսկապես չարամտորեն խախտում է էներգետիկ օբյեկտներին հարվածների 30-օրյա մորատորիումը, որը մարտի 18-ին համաձայնեցվել էր Ռուսաստանի և ԱՄՆ-ի նախագահների կողմից, այնուհետև ստացել Զելենսկու աջակցությունը», – նշել է ռուս դիվանագետը:
Նրա խոսքով՝ օրական մի քանի անգամ ռուսական էներգետիկ օբյեկտներին հարվածելու փորձեր են արվում։
