Աբու Դաբիում տեղի է ունեցել ԱՄՆ-ի և ՌԴ-ի միջև բանտարկյալների փոխանակում
ԱՄՆ Կենտրոնական հետախուզական վարչության (ԿՀՎ) տնօրեն Ջոն Ռեթքլիֆը հայտարարել է, որ ապրիլի 10-ին Արաբական Միացյալ Էմիրությունների (ԱՄԷ) մայրաքաղաք Աբու Դաբիում տեղի է ունեցել բանտարկյալների փոխանակում ԱՄՆ-ի և Ռուսաստանի միջև։
Այս մասին նա ասել է The Wall Street Journal-ին տված մեկնաբանությունում։
Ռեթքլիֆը նշել է, որ ԿՀՎ աշխատակիցներն «անխոնջ աշխատել են»՝ հանուն այն բանի, որ վերադարձնեն ՌԴ-ում պահվող «ևս մեկ ամերիկացու»:
Ռեթքլիֆը նաև շնորհակալություն է հայտնել ԱՄԷ-ի կառավարությանը «փոխանակումը կազմակերպելու հարցում աջակցության համար»։
ՌԲԿ պարբերականը հաղորդում է, որ Մոսկվան ազատ է արձակել Ռուսաստանի և ԱՄՆ-ի քաղաքացի Քսենիա Կարելինային, որը դատապարտվել էր 12 տարվա ազատազրկման պետական դավաճանության համար, քանի որ նա ուկրաինական կազմակերպությանն էր փոխանցել 51,8 միլիոն դոլար։
ԱՄՆ-ն ազատ է արձակել Արթուր Պետրովին, որը բացի Ռուսաստանի քաղաքացիությունից, ունի նաև Գերմանիայի քաղաքացիություն։ Նրան մեղադրել են ամերիկյան արտադրության միկրոէլեկտրոնիկա Ռուսաստանին մատակարարելու մեջ՝ պատժամիջոցները շրջանցելով։
