Դանիայի վարչապետը չի բացառում իր երկրի պաշտպանության հնարավորությունը ֆրանսիական միջուկային ուժերի կողմից
ԵՄ երկրները պետք է քննարկեն Ֆրանսիայի նախագահ Էմանուել Մակրոնի նախաձեռնությունը՝ եվրոպական երկրները ֆրանսիական միջուկային ուժերի պաշտպանության տակ դնելու վերաբերյալ։
Այս մասին հայտարարել է Դանիայի վարչապետ Մետե Ֆրեդերիկսենը։
«Ամեն ինչ քննարկման ենթակա է: Բոլոր լավ գաղափարները պետք է քննարկման մաս լինեն»,- ասել է նա Բրյուսելում ԵՄ գագաթնաժողովից առաջ:
Ավելի վաղ՝ Մակրոնն իր ուղերձում ասել է, որ Գերմանիայի կանցլերի թեկնածու Ֆրիդրիխ Մերցի կոչից հետո դաշնակիցների հետ կսկսի քննարկումները եվրոպական երկրներին Ֆրանսիայի միջուկային զսպման ուժերի պաշտպանության տակ ընդունելու հնարավորության շուրջ։
