Թրամփը պաշտոնից հեռացրել է Ռազմական ղեկավարների կոմիտեի նախագահին
ԱՄՆ նախագահ Դոնալդ Թրամփն աշխատանքից ազատել է ռազմական ղեկավարների կոմիտեի նախագահ Չարլզ Բրաունին։ Նա Բրաունի փոխարեն առաջադրել է Դեն Քեյնիի թեկնածությունը, որը պետք է հաստատի Սենատը։
«Ես ուզում եմ շնորհակալություն հայտնել գեներալ Չարլզ Բրաունին մեր երկրին ավելի քան 40 տարի ծառայելու համար։ Նա ականավոր առաջնորդ է, ես նրան և իր ընտանիքին մեծ ապագա եմ մաղթում»,- Truth-ում գրել է Թրամփը։
Հիշեցնենք, որ Բրաունին այդ պաշտոնին առաջադրել էր Ջո Բայդենը 2023-ին, մինչ այդ նա զբաղեցրել է ԱՄՆ ռազմաօդային ուժերի ղեկավարի պաշտոնը։
