Վրաստանը ավելացրել է դեպի Ռուսաստան արտահանման ծավալը
Վրաստանի և Ռուսաստանի միջև ապրանքաշրջանառությունը 2024 թվականին կազմել է 2,53 միլիարդ դոլար՝ 2023 թվականի համեմատ աճելով 5,4 տոկոսով, հայտնել է Վրաստանի վիճակագրական ծառայությունը։
Վրաստանից արտահանումը Ռուսաստան մեկ տարում ավելացել է 3,7%-ով՝ կազմելով 681,5 մլն դոլար, իսկ Ռուսաստանից ներմուծումը Վրաստան աճել է 6%-ով և կազմել 1,85 մլրդ դոլար։
Դեպի Ռուսաստան Վրաստանն ավելի շատ է սկսել արտահանել ալկոհոլային խմիչքներ․ միայն գինու արտահանումը ավելացել է 7,1 տոկոսով։
Էականորեն ավելացել են նաև հանքային ջրերի, գազավորված ըմպելիքների արտահանման ցուցանիշները։
Մրգի արտահանումը ավելացել է 10,9 տոկոսով։
