«Զանգվածային ակցիաներ կլինեն. Փաշինյանն իր մաշկի վրա կզգա մարդկանց դժգոհությունը». Աշոտ Անդրեասյան
ՀՀԿ ԵԿ փոխնախագահ Աշոտ Անդրեասյանը վստահեցնում է՝ Նիկոլ Փաշինյանի դեմ պայքարից որևէ պարագայում հետ չեն կանգնելու:
«Մեր փոխնախագահ Արմեն Աշոտյանը մոտ 2 տարի է՝ կալանքի տակ է, չի կարողանում շփվել իր հետևորդների հետ, բայց նա վառ օրինակ է, թե մեզ վրա կալանավորումներն ու ռեպրեսիաներն ինչպիսի հետևանք են թողնում. մենք երբեք չենք լռելու, և մեզ չեն վախեցնելու ռեպրեսիաներով»,- 168TV-ի «Ռեվյու» հաղորդման ընթացքում ասաց նա:
Նրա խոսքով՝ Նիկոլ Փաշինյանից դժգոհությունները համատարած են և գլոբալ: «Առանց փակագծերը բացելու ասեմ՝ առաջիկայում զանգվածային ակցիաների, շատ մեծ բողոքի ականատես կլինենք: Սոցիալական ցանցերում մարդիկ արտահայտում են իրենց դժգոհությունը, որովհետև փողոցում շատ քիչ պայքար կա: Ես վստահ եմ, որ մարդկանց դժգոհությունը Նիկոլ Փաշինյանն իր մաշկի վրա կզգա»,- շեշտեց նա:
Մանրամասները՝ 168TV-ի տեսանյութում
