Պիստորիուսը հայտարարել է, որ պատրաստ է գերմանացի զինվորներ ուղարկել Ուկրաինա, եթե պատերազմն ավարտվի
Գերմանիայի պաշտպանության նախարար Բորիս Պիստորիուսը հայտարարել է, որ պատրաստ է գերմանացի զինվորներ ուղարկել Ուկրաինա՝ օգնելու ապառազմականացված գոտու ապահովմանը, եթե Ռուսաստանի հետ հրադադարի համաձայնություն ձեռք բերվի։
Sueddeutsche Zeitung թերթին տված հարցազրույցում Պիստորիուսը նաև ասել է, որ Գերմանիան պետք է նպատակ ունենա իր ՀՆԱ-ի մոտ երեք տոկոսը ծախսել պաշտպանության վրա:
Ռուսաստանի և Ուկրաինայի միջև բուֆերային գոտի ապահովելու համար գերմանական զորքերի հնարավոր տեղակայման մասին հարցին, Պիստորիուսը պատասխանել է. «Մենք ՆԱՏՕ-ի ամենամեծ գործընկերն ենք Եվրոպայում: Պարզ է, որ մենք դերակատարում ունենք»:
Նրա խոսքով՝ այդ հարցը «կքննարկվի ժամանակին»։
Պիստորիուսը նշել է, որ Ռուսաստանը ներկայումս օկուպացրել է «Ուկրաինայի տարածքի 18 կամ 19 տոկոսը»:
Բայց չնայած գրեթե երեք տարվա պատերազմին, նա «ավելին քիչ բան է ձեռք բերել» և այդ ջանքերում «զգալի կորուստներ է կրել սեփական բանակում», հավելել է նա:
Դոնալդ Թրամփը, ով երկուշաբթի օրը ստանձնում է ԱՄՆ նախագահի պաշտոնը, իր նախընտրական քարոզարշավի ժամանակ հայտարարել է, որ կարող է վերջ տալ Ուկրաինայի և Ռուսաստանի միջև հակամարտությունը 24 ժամից էլ քիչ ժամանակում։ Նրա նախընտրական արշավն այդ ժամանակվանից ասել է, որ իրեն ավելի շատ ժամանակ է պետք: Քննարկումները, սակայն, կարող են սկսվել մոտ ապագայում, մասնավորապես՝ ՌԴ նախագահ Վլադիմիր Պուտինի հետ Թրամփի հանդիպումից հետո։ Սակայն Ուկրաինան ներկայումս չունի Ռուսաստանի հետ խաղաղ բանակցություններ սկսելու ուժը, երկուշաբթի օրը հայտարարել է ՆԱՏՕ-ի գլխավոր քարտուղար Մարկ Ռյուտեն:
