Նոր կարտոֆիլը՝ շաքարահյութի մեջ
Բաղադրիչները՝
- 450 գ մանր նոր կարտոֆիլ
- 2-3 ճ/գ բուսական յուղ
- 3 ճ/գ սոյայի սոուս
- 3 ճ/գ մեղր
- 1 պճեղ սխտոր
- 1 ճ/գ քունջութի սերմ
Պատրաստման եղանակը
Լավ լվացեք ու չորացրեք կարտոֆիլը: Միջին ուժգնության կրակի վրա մեծ թավայի մեջ տաքացրեք բուսական յուղը: Կարտոֆիլը մեկ շերտով շարեք թավայի մեջ: 20 րոպե տապակեք: Յուրաքանչյուր 5 րոպեն մեկ թավան թափ տվեք, որպեսզի կարտոֆիլը հավասարաչափ տապակվի:
Խառնեք սոյայի սոուսը, մեղրը, մանրացրած սխտորը և ստացված խառնուրդը լցրեք արդեն ներսից փափկած կարտոֆիլի վրա: Անընդհատ խառնելով՝ 4-5 րոպե պատրաստեք մինչև սոուսը խտանա, իսկ պատրաստի կարտոֆիլի կեղևը փայլուն դառնա: Թավան հանեք կրակի վրայից, կարտոֆիլի վրա լցրեք քունջութն ու խառնեք: Լցրեք մեծ ափսեի մեջ ու մատուցեք:
