Կրեմլում նշել են Ուկրաինայի եւ Ռուսաստանի միջեւ բանակցությունների հնարավոր հարթակների մասին
Ցանկացած չեզոք երկիր կարող է դառնալ հարթակ Ուկրաինայի վերաբերյալ բանակցությունների համար, Սլովակիան միակ թեկնածուն չէ։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, հայտնել է ՏԱՍՍ-ը։
«Ոչ, այն (Սլովակիան- ծան.՝ ՏԱՍՍ-ի) միակ առաջարկը չէ։ Հասկանալի է, խոսքը կարող է վերաբերել այն երկրներին, որոնք չեզոք դիրքորոշում են զբաղեցնում եւ հավասարարժեք երկխոսության մեջ են ինչպես Կիեւի, այնպես էլ Մոսկվայի հետ։ Նման երկրները բավական շատ են»,- ասել է նա՝ պատասխանելով հարցին, թե որ պետությունը կկարողանար հյուրընկալել այդ բանակցությունների համար։
