Շոկոլադե «հաց»
Բաղադրիչները
- 150 գ կակաո
- 140 գ շաքարավազ
- 70 գ ալյուր
- 50-60 գ մաքրած, չբոված նուշ կամ պնդուկ
- 4 ձու
- 1 ճ/գ վանիլային շաքար
- մի պտղունց մանրացրած չորահաց
- կարագ՝ տապակին քսելու համար
- շաքարի փոշի՝ մատուցելու համար
Պատրաստման եղանակը
Ձուն շաքարավազի ու վանիլային շաքարի հետ հարեք: Պնդուկը կամ նուշը մանր կտրատեք:
Ձվի ու շաքարի խառնուրդին ավելացրեք ալյուրի ու կակաոյի փոշու խառնուրդը, լավ խառնեք:
Ավելացրեք կտրտած նուշը կամ պնդուկը (մի փոքր մասն առանձնացրեք մատուցելու համար), նորից խառնեք:
Մոտ 24 սմ տրամագծով տապակին կարագ քսեք ու վրան ցանեք մանրացրած չորահացը:
Լցրեք խմորը և 30-40 րոպեով տեղադրեք 180 աստիճան ցելսիուս տաքության ջեռոցում:
Պատրաստ լինելը կարող եք ստուգել փայտի միջոցով: Այն մտցրեք կարկանդակի մեջ. փայտը պետք է չոր դուրս գա:
Պատրաստի կարկանդակը հանեք ջեռոցից, դրեք ցանցի վրա, թողեք՝ հովանա: Վրան լցրեք առանձնացրած նուշը կամ պնդուկը ու շաքարի փոշի ցանեք:
Խորհուրդ: Այս «հացը» կարող եք հովացնել, կիսել, արանքը կրեմ լցնել, իսկ եթե նաև շոկոլադե գլազուրով պատեք, իսկական տորթ կստացվի:
