Վիլնյուսում DHL-ի բեռնատար ինքնաթիռի կործանման հետևանքով կա 1 զոհ, 3 վիրավոր

Վաղ առավոտյան Լիտվայի մայրաքաղաք Վիլնյուսի օդանավակայանի մոտ DHL-ի բեռնատար ինքնաթիռի վթարի հետևանքով առնվազն մեկ մարդ է զոհվել, ևս երեքը վիրավորվել են։

Այս մասին հաղորդում է BBC-ն։ Boeing 737-ը, որը DHL բեռնափոխադրումների և առաքումների միջազգային ընկերության համար շահագործում էր իսպանական Swiftair բեռնատար ավիաընկերությունը, վթարի է ենթարկվել տան մոտ, վայրէջքը սկսելու ժամանակ։

Տունը թեթև վնասվել է, դրա մոտ գտնվող ենթակառուցվածքը՝ բռնկվել։ Ոստիկանությունից հայտնել են, որ բոլոր 12 մարդիկ ապահով կերպով տարհանվել են տնից:

Զոհվել է անձնակազմի 4 անդամներից մեկը։ Ինքնաթիռը վերելք էր կատարել Լայպցիգի օդանավակայանից և կործանվել դրանից 1,5 ժամ անց։ Ավիավթարի պատճառն առայժմ հայտնի չէ։ Լիտվայի իշխանությունները հետաքննություն են սկսել։