Ամերիկյան «Ջորջ Վաշինգտոն» ավիակիրը ժամանել է Ճապոնիա
Ամերիկյան «Ջորջ Վաշինգտոն» ավիակիրը ժամանել է Ճապոնիայի Կանագավա պրեֆեկտուրայի «Յոկոսուկա» ռազմակայան։ Սա ավիակրի երկրորդ տեղակայումն է Ճապոնիայում։ Այս մասին հաղորդում է Kyodo գործակալությունը։Նավը կփոխարինի Յոկոսուկայում բազավորված ամերիկյան «Ռոնալդ Ռեյգան» ավիակրին։
«Ջորջ Վաշինգտոն»-ն 9,5 տարվա ընթացքում առաջին անգամ կտեղակայվի Ճապոնիայում. այն ավելի վաղ այստեղ է գտնվել 2008-ից մինչև 2015 թվականներին: Ըստ Ճապոնիայում ԱՄՆ դեսպան Ռահմ Էմանուելի՝ ավիակրի և նրա վրա առկա F-35 կործանիչների ներկայությունը զգալիորեն մեծացնում է տարածաշրջանում ԱՄՆ-ի զսպումը։
ԱՄՆ 7-րդ նավատորմի հրամանատար Ֆրեդ Կաչերն իր հերթին հայտնել է, որ George Washington ավիակիրը Ճապոնիա է վերադարձել արդիականացված, առաջադեմ տեխնոլոգիաներով զինված:
