Իրանը սահմանափակումներ չի տեսնում, երբ բանը հասնում է տարածքային ամբողջականության պաշտպանությանը․ Աբբաս Արաղչի
Իրանի արտաքին գործերի նախարար Աբբաս Արաղչին հայտարարել է, որ Իրանը սահմանափակումներ չի տեսնում իր շահերի և տարածքային ամբողջականության պաշտպանության հարցում, գրում է Mehr-ը։
Արտաքին գործերի նախարարը շաբաթ օրը Khamenei.ir-ին տված բացառիկ հարցազրույցում ընդգծելով Իրանի կարողությունը՝ հետ մղել նրանց, որոնք մտադիր են հարձակվել երկրի վրա, ասել է, որ այս քաղաքականությունը մշակել է տարածաշրջանի երկրներ իր վերջին այցերի ընթացքում։
«Մենք բացեիբաց հայտնել ենք Իրանի Իսլամական Հանրապետության վերջնական դիրքորոշումը տարածաշրջանային խնդիրների, ինքնապաշտպանության և դիմադրության առանցքի պաշտպանության վերաբերյալ»,- ասել է Արաքչին։
Նա եւս մեկ անգամ ընդգծել է Իրանի վճռականությունը՝ աջակցելու պաղեստինյան ժողովրդին Իսրայելի դեմ պայքարում։
Իրանի արտաքին գործերի նախարարն ընդգծել է Իսրայելի տարածքի վրա Իրանի երկու նախորդ հրթիռային հարձակումները «որպես իրանական հզորության վառ օրինակ», որը, նրա խոսքով, առաջնորդել է Իրանի արտաքին քաղաքականությունը և կշարունակի դա անել ապագայում:
Հիշեցնենք, որ երեկ վաղ առավոտյան իսրայելական ուժերը հարձակումներ են իրականացրել Իրանի ռազմական օբյեկտների վրա։ Իրանը հայտնել է «սահմանափակ վնասների» և իր չորս զինծառայողների մահվան մասին։
Իր հերթին Իսրայելը պնդում է, որ հասել է իր նպատակներին և զգուշացրել է Իրանին պատասխան հարվածից։
