Դանիայում երեք մարդ է ձերբակալվել Իսրայելի դեսպանատան մերձակայքում իրականացված պայթյունների առնչությամբ
Կոպենհագենում Իսրայելի դեսպանատան մերձակայքում տեղի ունեցած պայթյունների գործով երեք մարդ է ձերբակալվել:
Այս մասին հաղորդել է Կոպենհագենի ոստիկանությունը։
«Երկուսը ձերբակալվել են Կոպենհագենի կենտրոնական կայարանի գնացքներից մեկում: Բացի այդ, նույն օրն ավելի վաղ մենք մի տղամարդու ենք ձերբակալել Կոպենհագենի մեկ այլ վայրում», – հայտնել է ոստիկանությունը X սոցիալական հարթակում։
Հոկտեմբերի 2-ի առավոտյան Կոպենհագենում Իսրայելի դեսպանատնից ոչ հեռու տեղի է ունեցել երկու պայթյուն. տուժածներ չկան։ Ինչպես հաղորդել է TV2 հեռուստաալիքը, Դանիայի ոստիկանությունն ուժեղացնում է անվտանգության միջոցառումներն Իսրայելի դեսպանատան տարածքում։
Գերատեսչությունը հայտարարել է, որ դեռ վաղ է եզրակացություններ անել պայթյունների և Իսրայելի դեսպանատան միջև հնարավոր կապի մասին։
