Բուենոս Այրեսում կենսաթոշակառուները բողոքի ցույց են անցկացրել
Արգենտինայի մայրաքաղաք Բուենոս Այրեսում բողոքի ցույց է տեղի ունեցել նախագահ Խավիեր Միլեյի կողմից կենսաթոշակային բարեփոխումների մասին օրենքի վրա վետոյի կիրառման դեմ: Ինչպես տեղեկացնում են տեղական լրատվամիջոցները, կենսաթոշակառուները Արգենտինայի կոնգրեսից երթով շարժվել են դեպի Պլազա դե Մայո՝ պահանջելու մերժել նախագահ Խավիեր Միլեյի վետոն Կոնգրեսի կողմից հաստատված կենսաթոշակային ճշգրտման մասին օրենքի վրա։
Նախագծի նպատակն է բարձրացնել կենսաթոշակը 8,1 տոկոսով, որպեսզի իրավիճակը կայունանա աճող գնաճի և ազատական տնտեսական քաղաքականության համատեքստում: Ոստիկանությունը ուժ է կիրառել ցուցարարներին ցրելու համար։
