Ծեծված մարդուց ի՞նչ եք ուզում. Փաշինյանի հետ այլևս ոչ ոք չի բանակցում. Թևան Պողոսյան
«Երբ սեփական զավակիդ ուղարկում էիր՝ քեզ ու քո ընտանիքը, հայրենիքդ պաշտպանելու, այն ժամանակ էլ էիր մտածո՞ւմ, որ Արցախն Ադրբեջան է: Ո՛չ: Ինքը հիմա փորձում է մանիպուլացնել, որ այդպես դեռ 2018-ին պետք է ասեր, որ մեղքը դնի 2018-ից առաջ եղածների վրա»,- 168TV-ի «Ռեվյու» հաղորդման ընթացքում ասաց Մարդկային զարգացման միջազգային կենտրոնի ղեկավար, քաղաքագետ Թևան Պողոսյանը:
Նրա խոսքով՝ պատերազմում պարտված Փաշինյանի հետ Ալիևը չի բանակցում. «Ալիևը բանակցում է այլ երկրների հետ՝ իր շահերը տանելու առաջ: Հայաստանի հետ այլևս ոչ ոք չի բանակցում: Ծեծված մարդուց ի՞նչ եք ուզում: Երբ պարտվում ես՝ մտածում ես՝ ո՞նց անես, որ ամեն ինչ այս մեկի, այն մեկի վրա գցես»:
Ըստ նրա՝ Նիկոլ Փաշինյանը վերջերս միայն մեկ ճիշտ բան է ասել՝ եթե ժողովուրդը ցանկանա, կփոխի իշխանությունը. «Այդ թեզը ճիշտ է, ուրեմն՝ ժողովուրդն արժանի է իր գործողին: Սրանք թեզեր են, որոնք քաղաքագիտության մեջ այլևս ֆորմուլաներ են աշխարհի համար, նույն ձևով, ինչպես լավագույնս ապացուցվել է Մոնթե Մելքոնյանի ասածը՝ կորցնելով Արցախը՝ շրջելու եք Հայոց պատմության վերջին էջը, ինչը տեսնում ենք հիմա: Ցանկացած ժողովուրդ արժանի է իր իշխանությանը»:
Նա նկատեց՝ ամեն մարդ պետք է ընտրություն անի՝ ուզո՞ւմ է Հայաստան, թե՞ ոչ, և եթե ուզում է, ուրեմն՝ պետք է պայքարի:
Դիտարկմանը՝ մարդիկ արագ փոփոխություններ են ուզում, նա այսպես արձագանքեց. «Արագ փոփոխությունը 2018 թվականն էր: Արագ փոփոխությունները կոչվում են հեղափոխություն, իսկ հեղափոխությունից վերջում օգտվում են սրիկաները: Հերթական անգամ ուզում եք՝ սրիկաներն օգտվե՞ն»:
Մանրամասները՝ 168TV-ի տեսանյութում
