ՀՀ-ում դադարեցվել է դեղարտադրողներից մեկի «Ասկորբինաթթու գլյուկոզովի» շրջանառությունը
![](https://168.am/wp-content/uploads/2022/06/dexer.jpg)
Հայաստանում դադարեցվել է «ֆարմստանդարտ-ՈւֆաՎԻՏԱ» ԲԲԸ-ի «Ասկորբինաթթու գլյուկոզով (ասկորբինաթթու, դեքստրոզ (դեքստրոզի մոնոհիդրատ) դեղահատերի շրջանառությունը։ «Առգո-Ֆարմ» ՍՊԸ-ին կարգադրագիր է տրվել դեղի հետկանչի վերաբերյալ։ Այս մասին հայտնում է ՀՀ առողջապահական և աշխատանքի տեսչական մարմինը։
Նշվում է, որ կարգադրագրի համար հիմք է հանդիսացել ՀՀ առողջապահության նախարարության Դեղերի և բժշկական տեխնոլոգիաների փորձագիտական կենտրոնից ստացված գրությունն ու փորձաքննության եզրակացությունը։
«Ֆարմստանդարտ-ՈւֆաՎԻՏԱ» ԲԲԸ-ն իրականացնում է վերոնշյալ դեղի 2023 թվականի դեկտեմբերից մինչև 2024 թվականի հունիսի 13-ը արտադրված բոլոր սերիաների հետկանչ։
Տեսչական մարմինը հորդորում է քաղաքացիներին ուշադիր լինել և խուսափել նշված սերիաների օգտագործումից։