Քրտնարտադրության ավելացում կարող է առաջանալ սննդակարգի, հագուստի և նույնիսկ վատ տրամադրության պատճառով․ մասնագետ
Քրտնարտադրության ավելացում կարող է առաջանալ սննդակարգի, հագուստի և նույնիսկ վատ տրամադրության պատճառով, զգուշացրել է էնդոկրինոլոգ Դիլյարա Լեբեդևան։ Նա Telegram-ի իր ալիքում բացահայտել է մարմնի տհաճ հոտից ազատվելու ուղիներ։
Լեբեդեւան նշել է, որ քրտինքը կարող է ուժեղ և տհաճ հոտ ձեռք բերել որոշակի մթերքների օգտագործման պատճառով։ Նա բացատրել է, որ պղպեղը, սխտորը և սոխը մեծացնում են քրտնարտադրությունը և տալիս են հատուկ հոտ: Լոբին ու խոզի միսը նույն հատկությունն ունեն, հավելել է բժիշկը։
Նաև ծխելու և ալկոհոլի պատճառով մարմնի վանող հոտ է առաջանում, զգուշացրել է Լեբեդևան։ Մեկ այլ հնարավոր պատճառ է նեյլոնից կամ պոլիեսթերից պատրաստված հագուստ կրելը:
«Ընտրեք բնական գործվածքներ՝ քրտնարտադրությունն ու հոտը նվազեցնելու համար»,- ըստ shantnews-ի՝ հորդորել է էնդոկրինոլոգը։
Բացի այդ, Լեբեդևան նշել է, որ սուր հոտով քրտնարտադրությունը կարող է առաջանալ սթրեսի և նյարդային լարվածության պատճառով։
Ի վերջո, մասնագետը խորհուրդ է տվել վերահսկել հիգիենան։
