Մեկնարկել է Թուրքիայի, Ադրբեջանի և Վրաստանի հատուկջոկատայինների համատեղ զորավարժությունը
Հունիսի 4-ին Ադրբեջանում մեկնարկել է Թուրքիայի, Ադրբեջանի և Վրաստանի զինված ուժերի հատուկ ջոկատայինների համատեղ զորավարժությունը։ Այն կազմակերպվում է ամեն տարի՝ սկսած 2009 թվականից։ Այս մասին գրում է aliq.ge-ն։
Զորավարժության նպատակն է զարգացնել համագործակցությունը և կոորդինացվածությունը, ինչպես նաև ինֆորմացիայի և փորձի փոխանակման ու համատեղ գործողությունների իրականացման կարողությունները։
Ադրբեջանի պաշտպանության նախարարության տարածած հաղորդագրության համաձայն՝ «Կովկասյան Արծիվ 2024» զորավարժությունը մեկնարկել է բացման արարողությամբ։
