Այովայում հզոր պտտահողմը մի քանի զոհի և ավերածությունների պատճառ է դարձել
Այովայի Գրինֆիլդ քաղաքին պատուհասած հզոր պտտահողմը մի քանի զոհի և 10-ից ավելի վիրավորի պատճառ է դարձել։ Այս մասին հաղորդում է Reuters գործակալությունը։
Զոհերի կոնկրետ թիվն առայժմ չի հաղորդվել։ 2000 բնակչություն ունեցող Գրինֆիլդ քաղաքում պտտահողմն ավերել է տներ, շրջել է մի քանի մեծ հողմաշարժիչներ։
Փոթորկի հետևանքով տեղի հիվանդանոցը լուրջ վնասներ է ստացել, և վիրավորներին ստիպված են եղել տեղափոխել մոտակա քաղաքների հիվանդանոցներ։
