ՌԴ-ը Մեծ Բրիտանիայի դեսպանատան ռազմական կցորդին պերսոնա նոն գրատա է հայտարարել
Մոսկվան Մեծ Բրիտանիայի դեսպանատան ռազմական կցորդ Անդրիան Քոգիլին պերսոնա նոն գրատա է հայտարարել՝ ի պատասխան Լոնդոնի նմանատիպ քայլի։
Այս մասին հայտնում է ՌԻԱ Նովոստին՝ հղում կատարելով ՌԴ արտգործնախարարության տարածած հայտարարությանը։
«Մոսկվայում Մեծ Բրիտանիայի դեսպանատան պաշտպանական կցորդ Անդրիան Քոգիլը հայտարարվել է պերսոնա նոն գրատա՝ ի պատասխան Լոնդոնի նմանատիպ քայլի։ Նա մեկ շաբաթվա ընթացքում պետք է լքի Ռուսաստանի Դաշնության տարածքը», – նշվում է հաղորդագրության մեջ:
