Երկակի ստանդարտները դարձել են միջազգային կառույցների թերևս գլխավոր բնութագրիչը․ Վահե Դավթյան
Քաղաքական գիտությունների դոկտոր, պրոֆեսոր, էներգետիկ անվտանգության փորձագետ Վահե Դավթյանը տելեգրամյան իր ալիքում գրում է․ «Երկակի ստանդարտները դարձել են միջազգային կառույցների թերևս գլխավոր բնութագրիչը։
Այսօր ԵԱՀԿ գործող նախագահ Յան Բորգը Ալիևի հետ հանդիպելուց հետո գրել է, որ Հայաստանի ու Արդբեջանի միջև մեկնարկած սահմանազատման գործընթացը ճիշտ ու կառուցողական քայլ է։
Ու ոչ մի խոսք նույն ԵԱՀԿ կողմից մշակված ու ընդունված սահմանազատման մեթոդաբանության կոպտագույն խախտումների մասին։ Ոչ մի խոսք սահմանազատումը միջազգային իրավունքի շրջանակներում անցկացնելու անհրաժեշտության մասին։
Իրականում սա ոչ միայն երկակի ստանդարտների դրսևորում է, այլև տվյալ միջազգային կառույցի ինքնավարկաբեկում։
Մյուս կողմից, սա նաև Հայաստանի արտաքին քաղաքականության բացակայության, միջազգային կառույցների հետ աշխատանք չտանելու ուղիղ հետևանք է։
Աշխատել է պետք։
Հուսով եմ, դեռ ժամանակ ունենք»։
