«Նիկոլի ձեռամբ օկուպանտի կլեյմոն խլվեց ադրբեջանցիներից ու դաջվեց մեր ճակատին… առաջին պլան է գալու «ռազմական հանցագործների» թեման ու հստակ ցուցակ հրապարակվի»
Արմեն Հովասափյանը ֆեյսբուքյան իր էջում գրում է. «Տավուշում ստեղծված վակխանալիայից հետո Ադրբեջանի քայլերը լինելու է հետևյալը. քանի որ Նիկոլն ընդունում է, որ Տավուշի էդ հատվածը «ադրբեջանական» է, նշանակում է, որ Հայաստանն «օկուպացրել» է այդ տարածքները:
Այստեղից էլ հետևություն, որ Ադրբեջանը հնարավոր բոլոր միջոցներով ու հարթակներով հայտարարելու է, որ «Հայաստանը օկուպանտ» է:
Այսինքն՝ Նիկոլի ձեռամբ օկուպանտի կլեյմոն խլվեց ադրբեջանցիներից ու դաջվեց մեր ճակատին:
Հիմա ամենահետաքրքիրը. եթե չգիտեք՝ ասեմ, որ, ըստ միջազգային իրավունքի, «օկուպանտը» պետք է փոխհատուցի իր այդ «քայլի» համար. այսինքն՝ տրամաբանական է, որ առաջիկայում Ալիևն առաջ է քաշելու կոնտրիբուցիաների (ռազմատուգանք) հարցը:
Ոնց հասկանում եմ՝ Նիկոլն էդ հարցում էլ ա «օկ», ավելին՝ մի վայրկյան չեմ կասկածում, որ առաջիկա ամիսներին նիկոլենք էս թեման էլ մանրից կսկսեն «եփել»:
Ի դեպ, ասեմ, որ խոսքը գնալու է մի քանի 100 միլիարդ դոլարի մասին, որը հաճույքով ճպցնելու են մեր ճակատին ու գումարի հանձման գրաֆիկը դնեն դեմներս պլյուս գույքի, բնակչության վերատադրության հարցերը:
Էլ չեմ խոսում, որ էս ֆոնին առաջին պլան է գալու «ռազմական հանցագործների» թեման ու հստակ ցուցակ հրապարակվի:
Սրա վերջնական նպատակը մեզ քաղաքական քարտեզից հանելն ա ու, ասեմ ձեզ, որ դրան բան չի մնացել»:
