Մինչ Տավուշոմ Ոստիկանությունը բռնություն է կիրառում, Freedom House-ը կոշտ հայտարարություն է արել Ոստիկանությունում խոշտանգման մասին
Freedom House միջազգային իրավապաշտպան կազմակերպությունը իր X-ում անդրադարձել է ՀՀ-ում ոստիկանության ծառայողների կողմից դրսևորվող բռնությունների և ճնշումների շուրջ լուրերին:
«Մենք մտահոգված ենք Հայաստանում ոստիկանական բռնության մասին հաղորդումների աճով:
Մենք կոչ ենք անում Հայաստանի իշխանություններին հետաքննել անհամաչափ ուժի և անմարդկային վերաբերմունքի շարունակական դարձած դեպքերը և համագործակցել քաղաքացիական հասարակության հետ՝ խթանելու և իրականացնելու ոստիկանության բովանդակային բարեփոխումներ»,- ասված է գրառման մեջ:
Այս առնչությամբ Ռուբեն Մելիքյանը ֆեյսբուքյան իր էջում գրում է. «Քիչ առաջ «Ֆրիդըմ Հաուսը», հիմք ընդունելով Սամվել Վարդանյանի դեպքը, կոշտ հայտարարություն է կատարել Հայաստանում ոստիկանական բռնությունների վերաբերյալ։ Մինչդեռ նույն այդ րոպեին ոստիկանությունը անհամաչափ ուժ էր կիրառում Տավուշի խաղաղ ցուցարարների դեմ»։
