Մաշտոցի անձնագրային բաժնում տեղի ունեցածի վերաբերյալ ՆԳՆ-ում նշանակվել է ծառայողական քննություն
Քիչ առաջ 168.am-ը տեսանյութ էր հրապարակել, որտեղ քաղաքացին ահազանգում էր Աջափնյակի Ոստիկանության անձնագրային բաժանմունքում տիրող բարքերի մասին:
«Այս աշխատակիցը որակավորում չունի: Քաղաքացուն 3 անգամ սխալ թղթերի հետևից ուղարկել է ՔԿԱԳ, հիմա էլ ոստիկանություն են կանչել»,-ասում է քաղաքացի Թումասյանը՝ ցույց տալով արտասվող մի կնոջ, որը չի կարողանում ստանալ իր երեխաների անձնագրերը:
168.am-ի հետ զրույցում Ներքին գործերի նախարարության հանրային հաղորդակցության և իրազեկման վարչության աշխատակից Զարզանդ Գաբրիելյանն ասաց՝ հրապարակման առնչությամբ ՆԳՆ Ներքին անվտանգության և հակակոռուպցիոն վարչությունում կատարվում է ծառայողական քննություն:
