Քննչական կոմիտեն միլիոնավոր դրամների երկու գնում է կատարել առանց մրցույթի և հրատապ կարգով
Քննչական կոմիտեն օրերս միլիոնավոր դրամների երկու գնում է կատարել առանց մրցույթի և հրատապ:
Հրատապ մեկ անձ ընթացակարգով կոմիտեն ՆՍԹ ԱՐՔԻԹԵՔՉՈՒՐ ՍՏՈՒԴԻՈ ՍՊԸ-ից ձեռք է բերել նախագծերի պատրաստման, ծախսերի գնահատման ծառայություններ՝ 24 միլիոն 100.000 դրամ ընդհանուր արժողությամբ:
Պայմանագրի համաձայն՝ ընկերությունը պարտավորվել է մատուցել ՔԿ-ին պատկանող Երևան քաղաքի Մամիկոնյանց 48 հասցեում գտնվող վարչական շենքի հիմնանորոգման աշխատանքների կատարման նախագծանախահաշվային փաստաթղթերի մշակման ծառայություններ:
Մեկ այլ պայմանագրով էլ Քննչական կոմիտեն ձեռք է բերել մուտքի հսկողության համակարգի՝ էլեկտրոնային անցաքարտերով աշխատող պտտադռնակ՝ «Էլլիպս ՋիԷյ» ՍՊԸ-ին վճարելով 1 միլիոն 255.000 դրամ:
