Առաջիկա 2 օրվա ընթացքում Մոսկվայում ահաբեկչությունների սպառնալիք կա. ԱՄՆ դեսպանատունը նախազգուշացրել է
Ռուսաստանի Դաշնությունում ԱՄՆ դեսպանատունը հայտարարել է, որ առաջիկա երկու օրերին Մոսկվայում հնարավոր են ահաբեկչություններ։ ԱՄՆ-ի հնչեցրած նախազգուշացումը իր կայքում տեղադրել է նաև Մեծ Բրիտանիայի ԱԳՆ-ն։ Այս մասին գրում է kommersant.ru-ն:
«Դեսպանատունը հետևում է հաղորդագրություններին այն մասին, որ ծայրահեղականները ծրագրում են առաջիկայում հարձակվել Մոսկվայում մեծ խմբերով հավաքված մարդկանց վրա, ներառյալ համերգները: ԱՄՆ քաղաքացիներին խորհուրդ է տրվում առաջիկա 48 ժամվա ընթացքում խուսափել մեծ ամբոխների մեջ գտնվելուց», – ասվում է ԱՄՆ դիվանագիտական ներկայացուցչության հայտարարության մեջ։
Դեսպանատան կայքի ռուսերեն տարբերակում նախազգուշացում չկա։
Պետդեպարտամենտը Ռուսաստան մեկնելու ռիսկի մակարդակը բարձրացրել է առավելագույնը՝ չորրորդ մակարդակի։ ՌԴ ԱԳՆ-ն դեռ չի մեկնաբանել այս տեղեկությունը։ Մոսկվայում այսօր՝ մարտի 8-ին, Կանանց միջազգային օրվա կապակցությամբ տասնյակ տոնական միջոցառումներ են նախատեսված։
