Ի՞նչ կլինի նրանց հետ, ովքեր տարիներ շարունակ քաղցր թեյ և սուրճ են խմում
Թեյին ու սուրճին փոքր քանակությամբ շաքար ավելացնելը բացասաբար չի ազդում օրգանիզմի վրա, եզրակացրել են Նիդեռլանդների Լեյդենի համալսարանի գիտնականները։ Ըստ shantnews-ի՝ նրանք պարզել են, թե քանի գդալ շաքարավազ կարող եք ավելացնել ձեր սիրելի առավոտյան ըմպելիքին PLOS One ամսագրում հրապարակված ուսումնասիրության արդյունքում:
Գիտնականները 32 տարի շարունակ վերահսկել են շաքարով թեյ խմող հազարավոր մարդկանց։
Այդ ընթացքում հետազոտության երեք հազար մասնակիցներ կանոնավոր կերպով թեյ կամ սուրճ են խմել շաքարով, և միայն քաղցրացուցիչի ավելացված քանակն է տարբերվել: Գիտնականներն ուսումնասիրել են կամավորների առողջական ցուցանիշները փորձի սկզբում և վերջում, ինչպես նաև հետազոտության ընթացքում մանրամասն ուսումնասիրել են նրանց մահվան պատճառները։
Պարզվել է, որ նրանք, ովքեր ամբողջությամբ հրաժարվել են շաքարով թեյից, վաղաժամ մահվան ռիսկը նվազեցրել են միայն մեկ միավորով՝ համեմատած նրանց հետ, ովքեր դեռ շաքարավազ են օգտագործում։
Գիտնականները որոշել են թեյի մեջ շաքարի անվտանգ քանակությունը։
Ինչպես պարզաբանել են գիտնականները, շաքարը առողջության ու կյանքի տեւողության համար ոչ մի վտանգ չի ներկայացնում միայն այն դեպքում, եթե ըմպելիքին ավելացնեն քիչ քանակությամբ քաղցրացուցիչ՝ մեկ բաժակի համար ընդամենը հինգ գրամ շաքար։ Ինչպես պարզաբանել են հոլանդացի գիտնականները, սա այն ծավալն է, որը տեղավորվում է մեկ թեյի գդալում։
Օրգանիզմի համար թեյ խմելու վտանգը էլ ավելի նվազեցնելու համար սննդաբանները խորհուրդ են տալիս փոխարինող գտնել շաքարավազին և շաքար պարունակող մթերքներին։
Նաև խորհուրդ են տալիս քաղցրավենիքները փոխարինել տարբեր չրերով, մուգ շոկոլադով, չորացրած մրգերից և մուգ շոկոլադից պատրաստված տնական քաղցրավենիքներով և սպիտակուցային սալիկներով։
