Սարավան-«Զանգեր» հատվածում սաստիկ ձյուն և բուք է
Սարավան-«Զանգեր» հատվածում սաստիկ ձյուն և բուք է։ Այս մասին հաղորդագրություն է տարածել Ճանապարհային դեպարտամենտը՝ կից ներկայացնելով նաև տեսանյութ, որում երևում է, թե ինչպես է Ճանապարհը սպասարկող կազմակերպության տեխնիկան աշխատում նշված հատվածում։
Ավելի վաղ հաղորդագրություն էր տարածել նաև ՀՀ ներքին գործերի նախարարությունը՝ նշելով, որ եղանակային վատ պայմաններով ու ձյան առատ տեղումներով պայմանավորված՝ պարեկային ու փրկարար ծառայության աշխատակիցները հանրապետության ճանապարհներին իրականացնում են արտակարգ ռեժիմով շուրջօրյա ծառայություն։
