Բաքվի վերաքննիչ դատարանը մերժել է Վագիֆ Խաչատրյանի բողոքը
Բաքվի վերաքննիչ դատարանը քննարկել է Լաչինի միջանցքից ապօրինի առևանգված և կեղծ մեղադրանքներով ազատազրկման դատապարտված Վագիֆ Խաչատրյանի բողոքը:
Ինչպես հաղորդում են ադրբեջանական ԶԼՄ-ները, Խաչատրյանի փաստաբան Ռադմիլա Աբիլովան Խաչատրյանի վերաքննիչ բողոքի հիման վրա հրավիրված դատական նիստում խնդրել է արդարացնել իր պաշտպանյալին։
Խաչատրյանը իր հերթին ևս մեկ անգամ պնդել է, որ ինքն անմեղ է ու խնդրել է՝ արդարացնել իրեն։
Դատարանն, ի վերջո, մերժել է Վագիֆ Խաչատրյանի բողոքը։
Ադրբեջանում Վագիֆ Խաչատրյանին կեղծ մեղադրանքներ են ներկայացրել 1991 թվականին Խոջալուի շրջանի Մեշալի գյուղում «ցեղասպանություն իրականացնելու համար։ Վագիֆ Խաչատրյանը դատապարտվել է 15 տարվա ազատազրկման։
