Ադրբեջանցիները գնացել են ՅՈւՆԵՍԿՕ՝ խաշը գրանցեն ադրբեջանական։ Ասել է թե «կադաստրի թուղթ» են հանում. Արտյոմ Տոնոյան
Արտյոմ Տոնոյանը գրում է. «Ադրբեջանցիները գնացել են ՅՈւՆԵՍԿՕ՝ խաշը գրանցեն ադրբեջանական։ Ասել է թե «կադաստրի թուղթ» են հանում։
Տասնամյակներ շարունակ էս նույն թեմաներն են. տարածաշրջանի հին ժողովուրդներից հայերի և իրանցիների խոհանոցից մինչև ավանդական ազգային խաղեր, նյութական ու հոգևոր մշակութային ժառանգություն գրանցվում է ադրբեջանական։
Ադրբեջանական են գրանցվում բաներ, որոնք մենք համարել ենք մերը, բայց իբր «կադաստրի թուղթ» չունենք, ու բաներ և անձինք, որոնք և որոնց իրանցիները համարում են իրենցը, «կադաստրի թուղթն» էլ ունեն, բայց դե հիմա ադրբեջանցիներն էլ փող ունեն, էներգիա, որպես նոր ժողովուրդ՝ պասիոնար են և այլն։
Ի՞նչ անել։ Կամ հարմարվել ու սպասել, թե երբ են մեզ գրանցելու՝ որպես «ադրբեջանցիների» սուբէթնիկական խումբ, և հենց սկզբից պայմանավորվել, որ «ինչ անվամբ էլ մեզ գրանցեն, մենք մեզ ադրբեջանցի չենք համարելու», կամ գտնել այլ լուծում, եթե պատրաստ չենք հարմարվել»։
