Մթերքներ, որոնք կօգնեն ազատվել ծխելու սովորությունից
Ճիշտ ձևակերպված սննդակարգը կարող է հեշտացնել ծխելը թողնելը, ասել է ՌԴ Առողջապահության նախարարության Թերապիայի և կանխարգելիչ բժշկության ազգային բժշկական գիտահետազոտական կենտրոնի ծխախոտի սպառման կանխարգելման և վերահսկման կենտրոնի ղեկավար Մարինե Ղամբարյանը։ Ըստ shantnews-ի՝ aif.ru-ի հետ զրույցում նա թվարկել է մթերքներ, որոնք կօգնեն ազատվել այս սովորությունից։
«Կարևոր է ինքներդ հասկանաք պատճառները, թե ինչու պետք է թողնել ծխելը (առողջություն, ընտանիք, երեխաներ, ծախսեր կամ պարզապես հոգնել եք կախվածությունից), ցուցակ կազմել, կարդալ այն ամեն օր և երբ ուզում եք ծխել: Նախկին ձախողումների վրա մի՛ կենտրոնացեք: Փորձեք չկրկնել սխալները»,- մեկնաբանել է նա։
Ավելի շատ ջուր և բուսական թեյեր խմեք՝ ձեր մարմնից տոքսինները հեռացնելու համար, հորդորել է մասնագետը։
«Մտածեք ձեր սննդակարգի մասին։ Որոշ մթերքներից հետո, օրինակ՝ մսից հետո, ծխելը ավելի հաճելի է, իսկ պանիրը, մրգերն ու բանջարեղենը անտանելի են դարձնում ծխախոտի համը։ Գազարը, նեխուրը, վարունգը կօգնեն չհասնել ծխախոտին»,-ասել է նա:
