Թուրքիա-Ռուսաստան առևտրի ծավալները 2023թ. կկազմեն 65 մլրդ դոլար
Նոյեմբերի 23-ին Ստամբուլում Ռուսաստանի գլխավոր հյուպատոս Անդրեյ Բուրավովը Թուրքիայի պետական «Anadolu» լրատվական գործակալության հետ զրույցում, անդրադառնալով Թուրքիա-Ռուսաստան երկկողմ հարաբերություններին՝ ուշադրություն է հրավիրել երկու երկրների միջև առկա առևտրաշրջանառության ծավալներին: Այս մասին տեղեկացնում է ermenihaber.am-ը։
Նա նշել է, որ 2022-ին առևտրաշրջանառությունը կազմել է 65 մլրդ դոլար:
«Այս տարի (2023) ևս նույն կերպ կլինի: Մենք կպահպանենք դինամիկան»,- հավելել է ռուս դիվանագետը:
Բուրավովը, խոսելով երկու երկրների միջև բնական գազի շուրջ ձեռք բերված պայմանավորվածությունների մասին, ասել է նաև, որ դրանք կյանքի կոչելու նպատակով մանրամասն քննարկումներ են ընթանում:
Խոսքը ՌԴ նախագահ Վլադիմիր Պուտինի՝ Թուրքիայում գազային հաբ ստեղծելու հայտարարության մասին է:
