Թբիլիսիում ամանորյա միջոցառումների համար կծախսվի 6 միլիոն լարիից ավելի
Թբիլիսիի քաղաքապետարանը ամանորյա միջոցառումների համար անհրաժեշտ ծառայությունները կատարում է առանց էլեկտրոնային մրցույթի, որի համար բյուջեից նախատեսվում է ծախսել 6 մլն 501 հազար 641 լարի։ Այս մասին գրում է aliq.ge-ն։
Ամանորյա միջոցառումները Թբիլիսիում կանցկացվեն 2023 թվականի դեկտեմբերի 15-ից մինչև 2024 թվականի հունվարի 7-ը հետևյալ վայրերում.
- Օրբելիանիի հրապարակի հարևանությամբ;
- Չոր կամրջի և Մայրենի լեզվի պուրակում կկազմակերպվի «Ամանորյա քաղաք», կանցկացվի Սուրբ Ծննդյան տոնավաճառ;
- Ռուսթավելիում՝ խորհրդարանի շենքի դիմաց, կկանգնեցվի գլխավոր տոնածառը;
- Հանրապետության հրապարակում կանցկացվի ամանորյա համերգ։
