Թբիլիսիում բնակարանների վաճառքը նվազել է
2023 թվականի 3-րդ եռամսյակում Թբիլիսիում բնակարանների վաճառքը տարեկան կտրվածքով նվազել է 13 տոկոսով։ Այս մասին գրում է aliq.ge-ն։
Colliers Georgia առաջատար դիվերսիֆիկացված մասնագիտական ծառայությունների և ներդրումների կառավարման ընկերության հրապարակած բնակելի բնակարանների շուկայի թարմացված տվյալների համաձայն, հուլիս-սեպտեմբեր ամիսներին մայրաքաղաքում վաճառվել է 10 հազար 114 բնակարան։
Ըստ Colliers Georgia-ի տվյալները ներկայացնող recov.ge-ում հրապարակված թվերի, նոր նախագծերում գործարքների 7 տոկոս նվազում է գրանցվել։ 2022 թվականի երրորդ եռամսյակի համեմատ, հին նախագծերում բնակարանների առուվաճառքի ցուցանիշը նվազել է 23 տոկոսով։
Բացի այդ, հաշվետու ժամանակաշրջանում Թբիլիսիում նորակառույց բնակարանների վաճառքի միջին գինը ծայրամասերում աճել է 7 տոկոսով, իսկ կենտրոնից ոչ այդքան հեռու և քաղաքի կենտրոնում արժեքը փոքր-ինչ նվազել է։
Նույն տվյալների համաձայն, միայն սեպտեմբերին Թբիլիսիում բնակելի բնակարանների գործարքների թիվը կազմել է 3 136 միավոր, ինչը 21 տոկոսով պակաս է նախորդ տարվա սեպտեմբերի համեմատ։
