Էլիտա լինելը թղթով ու կնիքով չէ, այլ պատասխանատվություն վերցնելով և տեր լինելով. Կարեն Վրթանեսյան
Կարեն Վրթանեսյանը գրում է. «Էլիտա լինելը թղթով ու կնիքով չէ, այլ պատասխանատվություն վերցնելով և տեր լինելով։
Որ պահից էլիտան փորձում է իր պատասխանատվությունը գցել այլոց վրա, այդ իսկ պահից դադարում է էլիտա լինելուց։
Սա շատ վտանգավոր դասալքություն է, որովհետև ժողովուրդը դեռ երկար ժամանակ իներցիայով շարունակում է դասալիքների մեջ առաջնորդներ փնտրել։
«Ոտքներս կախ գցենք, քանի դեռ ուժեր ենք հավաքում, քանի դեռ մարտի պատրաստ չենք, բայց պատրաստվում ենք այդ մարտին, մինչև հարմար պահ լինի, դրոշները պարզենք»-ը ճիշտ բանաձև է, ոչ ոք չի ասում, որ պետք է անպատրաստ մարտի նետվել։
Իսկ այ «Ոտքներս կախ գցենք, ձևացնենք, թե ինչ-որ բան ենք անում, մինչև տեսնենք թե ում մոտ է ստացվում, գնանք կողքը կանգնենք, փայ ուզենք»-ը պառազիտների, այլ ոչ թե էլիտաների բանաձև է։
Արցախի լինել-չլինելը ոչ թե թղթով է, այլ Արցախի (և ընդհանրապես Հայաստանի) էլիտաների լինելով։
Հ.Գ. Չշփոթենք «էլիտան» ու «էլիտարը». այդ երկրորդն այսօրվա իրականության մեջ զուտ պոնտ է…»:
