Ռուբեն Վարդանյանը հեռախոսազրույց է ունեցել ընտանիքի անդամների հետ. նրա իրավունքները կպաշտպանի ընտանիքի կողմից ընտրված փաստաբանը

Ադրբեջանի մարդու իրավունքների պաշտպան Սաբինա Ալիևան այցելել է Լեռնային Ղարաբաղի նախկին պետնախարար Ռուբեն Վարդանյանին, որին Բաքուն ձերբակալել և կալանավորել է՝ առաջադրելով կեղծ մեղադրանքներ։

Այս մասին հայտնել է ադրբեջանական APA գործակալությունը։

Նշվում է, որ այցի ընթացքում Ռուբեն Վարդանյանին հնարավորություն է ընձեռվել կապ հաստատել ընտանիքի անդամների հետ։

Հաղորդագրության մեջ նաև ասված է, որ հետաքննության ընթացքում Ռուբեն Վարդանյանի իրավունքները կպաշտպանի նրա ընտանիքի կողմից ընտրված փաստաբանը։