Տարանցումից Վրաստանի եկամուտն աճում է
8 ամսում Վրաստանը բեռնատարներից ստացել է 118 մլն 349 հազար լարի եկամուտ։ Այս մասին գրում է aliq.ge-ն։
Պետական գանձարանի տվյալների համաձայն` հունվար-օգոստոս ամիսներին Վրաստանի միջանցքով անցել է 338 հազար 141 տարանցիկ բեռնատար: Դրանցից միայն օգոստոսին ճանապարհի վճար է վճարել 46 հազար 952 բեռնատար ավտոմեքենա։ Նրանք բյուջե են մուտքագրել 16,4 մլն լարի։
Նշենք, որ հուլիսի համեմատությամբ բեռնատարների թիվն ավելացել է։ Ճանապարհների օգտագործման վճարը ըստ ամիսների.
- հունվար՝ 12 մլն 041 հազար 350 լարի՝ 34 հազար 404 տրանզիտ տրեյլեր,
- փետրվար՝ 11 մլն 970 հազար 002 լարի՝ 34 հազար 200 տարանցիկ կցանքներ,
- մարտ՝ 15 մլն 549 հազար 710 լարի՝ 44 հազար 428 տարանցիկ կցանքներ,
- ապրիլ՝ 13 մլն 834 հազար 954 լարի՝ 39 հազար 528 տարանցիկ տրեյլեր,
- մայիս՝ 16 մլն 861 հազար 665 լարի՝ 48 հազար 176 տարանցիկ կցանքներ,
- հունիս՝ 16 մլն 455 հազար 903 լարի՝ 47 հազար 017 տարանցիկ կցանքներ,
- հուլիս՝ 15 մլն 202 հազար 578 լարի՝ 43 հազար 436 տարանցիկ կցանքներ,
- օգոստոս՝ 16 մլն 433 հազար 413 լարի՝ 46 հազար 952 տարանցիկ կցանքներ:
Ի դեպ, Վրաստանի տարածքով ընթացող յուրաքանչյուր բեռնատար մինչև 2022 թվականի հունիսի 20-ը վճարել է 200 լարի, որը հունիսի 20-ից դարձել է՝ 350 լարի։
