Բացահայտվել է գրպանահատության հերթական դեպքը
Սեպտեմբերի 5-ին, ժամը 23-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողներն, իրացնելով ստացված օպերատիվ տվյալները, Աբովյան փողոցում, գողություն կատարելու հիմնավոր կասկածանքով, ձերբակալել և ոստիկանության Կենտրոնական բաժին են տեղափոխել Կապանի բնակիչ, 35-ամյա մի տղամարդու: Նրա անձնական խուզարկությամբ հայտնաբերվել է կնոջ դրամապանակ:
Քիչ անց տուժած կնոջից ընդունվել է հաղորդում:
Գողոնն առգրավված է, նախապատրաստված փաստաթղթերը փոխանցվել են քննչական բաժին:
