Պուտինը ռուս դպրոցականների հետ զրույցի ժամանակ հայտնել է Սի Ծինպինի հետ մոտալուտ հանդիպման մասին
Ռուսաստանի նախագահ Վլադիմիր Պուտինը հայտարարել է, որ շուտով հանդիպում կունենա Չինաստանի առաջնորդ Սի Ծինպինի հետ։
ՌԴ ղեկավարի խոսքով՝ հանդիպմանը կքննարկվի հումանիտար շփումների զարգացումը։
«Շուտով մենք կունենանք միջոցառումներ, և կլինի հանդիպում Չինաստանի նախագահ Սի Ծինպինի հետ։ Ես նրան անվանում եմ իմ ընկերը, նա ինձ՝ իրը։ Մենք կքննարկենք, թե ինչ է կարելի անել հումանիտար շփումները զարգացնելու ուղղությամբ»,- ասել է Պուտինը ռուս դպրոցականների հետ «Խոսեք կարևորի մասին» առցանց բաց դասի շրջանակում զրույցի ժամանակ։
Նա չի նշել Չինաստանի ղեկավարի հետ հանդիպման կոնկրետ ժամկետ։
Օգոստոսի 29-ին Bloomberg-ը, հղում անելով սեփական աղբյուրներին, գրել էր, որ Կրեմլը նախապատրաստում է ՌԴ նախագահ Վլադիմիր Պուտինի այցը Չինաստան՝ մասնակցելու «Մեկ գոտի, մեկ ճանապարհ» ֆորումին, որը կկայանա այս տարվա հոկտեմբերին։
Այս այցը պետք է լինի առաջինը։ Ռուսաստանի նախագահի արտասահմանյան այցն այս տարվա մարտից ի վեր, երբ Հաագայի Միջազգային քրեական դատարանը նրան ձերբակալելու օրդեր էր տվել։
