Մեզ համար Բաքվի և ՀՀ որոշ քաղաքական ուժերի նպատակը նույնն է՝ քանդել Արցախի իշխանություններին. Արայիկ Հարությունյան
Բաքուն մեզ մեղադրում է, որ ժողովուրդ ունի այլ կարծիք, մենք խանգարում ենք, իսկ Հայաստանում էլ կան քաղաքական ուժեր, որոնք փորձում են մեզ մեղադրել Ադրբեջանի քաղաքականությունն իրականացնելու մեջ. մեզ համար երկուսի նպատակն էլ նույնն է՝ քանդել Արցախի իշխանություններին, քանդել այն ինստիտուտները, որ կան Արցախում: Այս մասին այսօր՝ օգոստոսի 6-ին, Արցախի հեռուստատեսությանը տված հարցազրույցում նշեց Արցախի նախագահ Արայիկ Հարությունյանը:
«Ցանկացած կենսական որոշում Արցախում պետք է լինի կոնսենսուսային: Այսօրվա իմ հարցազրույցի նպատակներից մեկն էլ այն է, որ Արցախի ժողովրդին ասեմ, հավաստիացնեմ, որ ցանկացած որոշում, որը վերաբերում է Արցախի ապագային, կենսական շահերին, մեր ինքնորոշման իրավունքին, որոշումները կայացվելու են կոնսեսնսուով: Ես այս օրերին լայն քննարկումներ եմ իրականացրել եւ շարունակելու եմ: Ինչ որոշում էլ լինի, դա պետք է բխի Արցախի ժողովրդի շահերից եւ ընկալելի եւ ընդունելի լինի նրա համար»,-ասաց նա:
