Սոչիի օդանավակայանի կայանատեղիում օդանավը թևով բախվել է հեռասանդուղքին
Ռուսաստանի Նիժնի Նովգորոդ քաղաքից Նովոսիբիրսկ ուղևորվող օդանավը, որը վերալիցքավորման համար վայրէջք է կատարել Սոչիի օդանավակայանում, կայանման ժամանակ ձախ թևով բախվել է հեռասանդուղքին, ինչից հետո բոլոր ուղևորներին խնդրել են լքել օդանավը։
Ինչպես հաղորդում են ռուսական լրատվամիջոցները, Nordwind ավիաընկերությանը պատկանող Airbus A330-300 օդանավը վերալիցքավորման համար վայրէջք է կատարել Սոչիի օդանավակայանում օգոստոսի 4-ին, Մոսկվայի ժամանակով ժամը 21։00-ին։ Միջադեպը տեղի է ունեցել վայրէջքից հետո, երբ անձնակազմը փորձել է կայանել օդանավը։
Ավիաընկերությունն օդանավը փոխելու որոշում է կայացրել, դեպի Նովոսիբիրսկ թռիչքը հետաձգվել է։
Ուղևորները տեղավորվել են հյուրանոցում, իսկ օգոստոսի 5-ին, Մոսկվայի ժամանակով առավոտյան ժամը 06։54-ին։
