«Հայաստանը չի փորձում ոչ մի բան անել, կատարում է այն, ինչ պահանջում են Ադրբեջանը և Թուրքիան». Միքայել արքեպիսկոպոս Աջապահյան․ «Իրավունք»
««Հայաստանի Հանրապետությունը չի փորձում ոչ մի բան անել, կատարում է այն բոլոր բաները, որոնք պահանջում են Ադրբեջանն ու Թուրքիան, ինքը ոչ մի բան էլ չի անում: Անելու էլ ի վիճակի չի, որովհետեւ ո՛չ կարողություն ունի, ո՛չ էլ խելք ունի»:
Անդրադառնալով Արցախի շուրջ ընթացող զարգացումների հանգուցալուծման եղանակներին, ասաց Հայ Առաքելական եկեղեցու Շիրակի թեմի առաջնորդ գերաշնորհ Տ. Միքայել արքեպիսկոպոս Աջապահյանը` ընդգծելով. «Համենայնդեպս, ես ոչ մի փորձ չեմ տեսնում, անգամ` դիվանագիտական, դա խայտառակություն է: Սրանցը խաղաղության պայմանագիրն է, սա է նրանց դիվանագիտական փորձը, Արցախը Ադրբեջանի մաս ճանաչելն է դիվանագիտական փորձ»»:
