Մենք գիտենք, թե ինչպիսի թիմ է «Ինտեր»-ը. Քեվին դե Բրույնեն` ՉԼ եզրափակիչի մասին
Անգլիական «Մանչեսթեր Սիթի» ֆուտբոլային ակումբի կիսապաշտպան Քեվին դե Բրույնեն Չեմպիոնների լիգայի եզրափակիչի հակառակորդ «Ինտեր»-ին լավ պաշտպանվող թիմ է համարում:
«Մենք գիտենք, թե ինչպիսի թիմ է «Ինտեր»-ը: Նրանք լավ են պաշտպանվում և հասկանում ենք, որ բաց խաղ չի լինելու: Պետք է խաղասկզբում պահպանենք մեր նյարդերը: Խաղի սկզբում էլ շատ հնարավորություններ չեն լինելու»,-այս մասին լրագրողների հետ հանդիպման ժամանակ ասաց դե Բրույնեն։
Բելգիացին համարում է, որ յուրաքանչյուր ֆուտբոլիստի համար մեծագույն նվաճում է հաղթել Չեմպիոնների լիգայում:
Ֆուտբոլի Չեմպիոնների լիգայի եզրափակիչում` հունիսի 10-ին, թուրքական Ստամբուլ քաղաքում, անգլիական «Մանչեսթեր Սիթի»-ն ուժերը կչափի իտալական «Ինտեր»-ի հետ: Հանդիպումը կմեկնարկի Երևանի ժամանակով 23:00-ին
