Ադրբեջանի ԶՈւ ներկայացուցիչները կրակում են Կախակն գյուղի ուղղությամբ
Ադրբեջանի Զինված ուժերի ներկայացուցիչները կրակ են բացել Գեղարքունիքի մարզի Կախակն գյուղի ուղղությամբ։ Այս մասին քիչ առաջ 168.am–ի հետ զրույցում ասաց Կախակն գյուղի բնակիչ Սևան Վերձյանը։
«Ադրբեջանը րոպեներ առաջ սկսել է կրակ բացել մեր գյուղի ուղղությամբ, արդեն 5 րոպե է՝ կրակում է»,- նշեց Սևան Վերձյանը՝ ընդգծելով, որ կրակոցները շարունակվում են։
Նշենք, որ Կախակն գյուղը գտնվում է ադրբեջանական դիրքերից 1-2 կմ հեռավորության վրա։
