«Եթե միջոց էլ ունենանք, միևնույն է, սա համայնք է, այստեղից չպետք է որևէ պետական կառույց տեղափոխեն։ Այսպես ասենք՝ բնակչության միայն 15 տոկոսը կարող է իր հարցերով գնալ Մարտունի, բա մյուսնե՞րն ինչ են անելու»,- նշեց Սևան Վերձյանը։
Վերջին օրերին Ադրբեջանի Զինված ուժերի ներկայացուցիչները պարբերաբար կրակում են Գեղարքունիքի մարզի Կախակն գյուղի ուղղությամբ։
Ադրբեջանի Զինված ուժերի ներկայացուցիչները կրակ են բացել Գեղարքունիքի մարզի Կախակն գյուղի ուղղությամբ։ Այս մասին քիչ առաջ 168.am-ի հետ զրույցում ասաց Կախակն գյուղի բնակիչ Սևան Վերձյանը։
«Թշնամին կրակում է, գնդակն իմ տան մոտով գալիս անցնում է, ծանր զենքով է կրակում։ Նիկոլ Փաշինյանին ամեն ինչ գրել ենք, բայց պատասխան չկա, ի՞նչ է մտածում։ Եթե գյուղը սահմանամերձ չճանաչվի, բնակիչները քիչ-քիչ դուրս կգան, սուբսիդիա չկա, ասել են՝ տալու ենք, բայց չեն տվել, չգիտենք՝ կլինի՞, թե՞ չէ։ Բոլորի կողմից այս գյուղն ու այստեղ ապրող բնակիչն անտեսված է, թող հստակ պատասխանեն՝ ինչո՞ւ, մեր գյուղն էլ են հանձնելո՞ւ:
