Վրաստանում մոտ 16.000 ձեռնարկատեր է գրանցվել ՌԴ-ից

Վերջին մեկ տարում Վրաստանում որպես ձեռնարկատեր գրանցվել է Ռուսաստանի մոտ 16.000 քաղաքացի, փոխանցում է Վրաստանի արդարադատության նախարարությունը: Այս մասին գրում է aliq.ge-ն։

Ըստ հաղորդագրության՝ ձեռնարկատերերի և ոչ ձեռնարկատիրական (ոչ առևտրային) իրավաբանական անձանց ռեգիստրի տվյալներով՝ 2022 թվականի փետրվարի 24-ից մինչև 2023 թվականի փետրվարի 8-ն ընկած ժամանակահատվածում Ռուսաստանի Դաշնության 15.917 քաղաքացի Վրաստանում գրանցվել է որպես անհատ ձեռնարկատեր։

Նշենք, որ նույն տվյալներով` 2022 թվականին Վրաստանի քաղաքացիություն ստանալու համար դիմել է Ռուսաստանի 7 860 քաղաքացի։