Դահուկորդները մեկնարկում են աշխարհի առաջնությունում
Հայաստանի դահուկասպորտի հավաքականը մեկնարկում է աշխարհի առաջնությունում:
Հայաստանի հավաքականի անդամներ Միքայել Միքայելյանը և Կատյա Գալստյանը բարձր վարկանիշի շնորհիվ չեն մասնակցի որակավորման փուլերին: Միքայել Միքայելյանը իրավունք է ստացել մասնակցելու բոլոր մրցաձևերին և առաջին անգամ կմեկնարկի մարաթոնի մրցավազքում (50 կմ), իսկ Կատյա Գալստյանը ուժերը կփորձի 10 կմ դասական ոճում և արագավազքում:
Հայաստանի հավաքականի կազմում աշխարհի առաջնությանը կմասնակցեն նաև Թադևոս Պողոսյանը և Սպարտակ Ոսկանյանը, որոնք կմեկնարկեն 10 կմ դասական ոճի որակավորման փուլից: Աննա Ռաշոյանը կմասնակցի 5 կմ ազատ ոճի որակավորման փուլին:
Աշխարհի առաջնությունը կեզրափակվի մարտի 5-ին:
