Էնդոկրինոլոգը բարձր է գնահատել հավի արգանակի բուժիչ հատկությունները
Հավի արգանակի բուժիչ հատկությունները Roskachestvo-ի կայքում գնահատել է էնդոկրինոլոգ, բժշկական գիտությունների թեկնածու, սննդաբան Ելենա Սյուրակշինան։
«Այո, հավի արգանակն իսկապես դրական է ազդում իմունային համակարգի վրա: Հավի ապուրը կարող է բարելավել ինքնազգացողությունը վիրուսային հիվանդությունների դեպքում, հատկապես վաղ փուլում: Դրանում հայտնաբերվել է կարնոզին կոչվող քիմիական նյութ, այն հզոր հակաօքսիդանտ է, որը ճնշում է SARS-ի ընթացքին ուղեկցող բորբոքային պրոցեսները»,- shantnews-ի փոխանցմամբ՝ ասել է փորձագետը։
Նաև, ըստ Սյուրակշինայի, հավի արգանակը պարունակում է ցիստեին՝ ամինաթթու, որը նոսրացնում է խորխը, օգնում է հազալ և արագացնում դեղորայքային բուժումը: Էֆեկտը ուժեղացնելու համար բժիշկը խորհուրդ է տալիս արգանակի մեջ ավելացնել հակաօքսիդանտներով հարուստ նեխուր, սոխ, գազար և պղպեղ։
Նշվում է, որ հավի արգանակը նաև օգնում է շնչառական ուղիների մաքրմանը, սնուցում է ոսկրային հյուսվածքը և օգտակար է ստամոքսի համար։
Ավելի վաղ Մյասնիկովը ցրել էր գիշերային սնվելու վտանգի մասին առասպելը։ Նա բացատրել է, որ եթե օրական կալորիականությունը պահպանվի, կարելի է ուտել օրվա ցանկացած ժամի։
