«Այսօր ադրբեջանցիները փորձեցին մեքենայով առաջ գնալ Բերձորի միջանցքում, ռուս զինվորները կանգնեցին մեքենայի առջև». Արման Աբովյան

ԱԺ նախկին պատգամավոր, ԲՀԿ–ական Արման Աբովյանը տեսանյութ է հրապարակել և կից գրել. «Իհարկե, սպասելի էր, որ հայկական տեղեկատվական և քաղաքական տիրույթում կհայտնվեն մարդիկ, որոնք ինքնամոռաց կտարածեն թուրք֊ադրբեջանական քարոզչությունը, կրկնելով այն հակահայկական հիմարությունը, իբր «Բերձորը ռուսներ են փակել»։ Ակնհայտ է, որ այդ թրքամետ քարոզչությունը միտված է արդարացնել թուրք֊ադրբեջանական տանդեմի հակահայկական քայլերը։ Սա այլևս ցավալի իրողություն է։

Իհարկե, գոյություն ունեն բազմաթիվ հարցեր, որոնք պետք է անպայման հստակեցնել ռուսական կողմի հետ, սակայն աշխատել ադրբեջանական պրոպագանդայի վրա լավ բան չէ, լուրջ…հեչ լավ բան չէ։

Այս պարագայում հուշագրավ մի դրվագ, այսօր ադրբեջանցիները փորձեցին մեքենայով առաջ գնալ Բերձորի միջանցքում, ռուս զինվորները ուղղակի կանգնեցին ադրբեջանցիների մեքենայի դեմը։ Բայց սրա մասին, բնականաբար, տեղեկատվական դաշտը չի խոսի…կրկնում եմ, եթե ուզում ես օգնել, ապա պետք է լինես ոչ թե հակառուս կամ հակաեվրոպացի-հակաամերիկացի, այլ լինես հայամետ»։